Среда, 16.01.2019, 21:09
Приветствую Вас Гость | RSS

МБОУ "Сатагайская СОШ"

Меню сайта
ЕГЭ и ОГЭ
Календарь
«  Январь 2019  »
ПнВтСрЧтПтСбВс
 123456
78910111213
14151617181920
21222324252627
28293031
Статистика

Онлайн всего: 1
Гостей: 1
Пользователей: 0
Вход на сайт

Отзывы профкому

Профкомҥа махталым

            Мин 1980 сылтан, Сатађай ађыс кылаастаах оскуолатыгар ананан кэлиэхпиттэн, учууталлар идэлээх союзтарыгар чилиэммин. Ол советскай кэмтэн ыла профсоюз араас өрүттээх үлэтигэр көхтөөхтүк кыттан кэллим.

Сатађай оскуолатыгар профсоюз комитетын олоххо активнай позициялаах, үлэђэ эппиэтинэстээх, коллектив кыһалђатыгар болђомтолоох сыһыаннаах дьон салайбыттара уонна салайаллар, ол курдук өр сылларга Иванов В.А., Чемезов Г.Ф., Терентьева О.С., Никитина О.Н., Лукин В.И., билигин Адамова Н.Т. председателинэн үтүө суобастаахтык үлэлээбиттэрин бэлиэтиэхпин бађарабын. Ордук үлэһиттэр сынньалаҥнарын тэрийии биһиги оскуолабытыгар үрдүк таһымнаахтык барар: Дьокуускай куоракка культурнай походтар, бырааһынньыктарга эстрада сулустара кыттыылаах көрдөөх-нардаах биэчэрдэр, волейболга үлэ ветераннара Лукина А.Н. уонна остуол тенниһигэр Окороков Г.В. бириистэригэр спортивнай күрэхтэһиилэр о.д.а. Итиннэ барытыгар профком оскуола администрациятын кытта биир санаанан үлэлиир.

Мин бэйэм ааппыттан улуус профсоюзнай лидеригэр Н. Г. Гурьевка, оскуолам профкомун председателигэр Н.Т.Адамовађа истиҥ махталбын этэбин. Быйыл Таилаҥҥа путевка булан, күүлэйдээн кэлбиппэр профсоюзтарым тустаах финансовай көмө оҥордулар. Урукку сылларга маннык өҥөнөн туһамматах киһи улаханнык үөрдүм.

Профсоюз үбүлүөйдээх сылынан биир идэлээхтэр союзтарын активистарын эђэрдэлээн туран, барыгытыгар чэгиэн доруобуйаны, үрдүк таһаарыылаах айымньылаах үлэни, дьолу-соргуну бађарабын. Амарах сыһыаҥҥытынан коллегаларгытын өрүү үөрдэ сылдьыҥ. Дьон туһугар туһаайыллар үлэђит куруук махталлаах буоллун!

 

Шишигина Г.Н., Сатађай орто оскуолатын учуутала, педстаж 37 сыл.

28.09.2017 сыл

 

Мин, Филиппова Светлана Яковлевна, профсоюз өҥөтүнэн туһанан быйыл сайын Дьокуускай куоракка баран медцентрга көрдөрөн кэллим. Профсоюз 5000 сертификатыгар тиксэн MRT аппаракка түстүм уонна төлөбүрдээх бырааска көрдөрдүм. Маннык материальнай көмө оҥоһуллара олус үчүгэй эбит. Мин үһүс группалаах инбэлииппин, сылын аайы көрдөрөрбөр харчы барар. Быйыл оскуолам профсоюһа сертификаты миэхэ анаабытыгар улаханнык махтанабын. Профсоюз үлэтэ таһаарыылаах-ситиһиилээх буолуон баҕарабын.

Профсоюз чилиэнэ: Филиппова С.Я.

 

Мин, Неустроева Анна Авксентьевна, оскуолаҕа вахтерунан үлэлии сылдьан 2007 сыл күһүнүттэн улаханнык ыалдьан үс ый иһигэр икки операцияны ааспытым. Суол сабыллан турдаҕына үлэлээбит Сатаҕайым орто оскуолатын коллектива, профсоюһа харчынан күүс-көмө буолбуттара. 10000 солкуобай курдук суумманан эмп-том ылан абыраммытым. Сатаҕай орто оскуолатын профсоюһугар, коллективыгар улахан махталбын биллэрэбин.

Сатаҕай сэлиэнньэтэ, Неустроева А.А.

 

Мин, Лукина Анастасия Николаевна, 40-ча сыл үлэлээбит оскуолам коллективыгар хаһан да умнуллубат махталбын тиэрдэбин.

Массыына саахалыгар түбэһэн, тэллэх киһитэ буолбуппар, эмп атыылаһарбар, сиһим тоноҕоһун туттарар медицинскэй жилет атыылаһарбар икки төгүллээн 8-тыы тыһыынча харчынан көмөлөспүттэригэр махтанабын.

Хамсаабакка, уһуннук сытар кэммэр коллегалар кэлэн кэпсэтэн, сэргэхситэн бараллара. Чуолаан оҕо тэрилтэтин салайааччыта Ольга Николаевна Никитина уонна 4-с кылаас салайааччыта Захарова Маргарита Тогоянична пионерия күнүгэр оҕолору кытта эҕэрдэлээн, ыллаан-туойан, хоһоон ааҕан барбыттара. Ол түгэҥҥэ олус да күндү этэ! Сытар киһиэхэ, күүс эбиллибитэ, хайаан да туруом диэн эрэл кыымын сахпыттар.

Өссө төгүл махтал! Баһыыба! Тапталлаам оскуолам коллективыгар!

Сатаҕай орто оскуолатын бэтэрээн учуутала, Лукина А.Н.

 


Copyright MyCorp © 2019
Сделать бесплатный сайт с uCoz